Kaixo:
   Azken bi urteetan kontalari ibili naiz, idazle baino gehiago. Saio asko egin ditut zuen eskola edo kultur-taldeetan. Ederra izan da: barra-barra ikasi eta gozatu dut. Horregatik neukan hortxe goian, izenburuan, "nomada kontalaria" mozorroa. Orain idazleago izateko gogoz nabil berriro. Hortik aldaketa. Hortik "AMETS EHIZTARIA" bilakatu nahi izatea (berriro).
    Orain, nire testuak liburu bihurtu arteko bidea oso-osorik zaindu ahal izateko, argitaletxe propioa sortu dut: GAUMIN. Nire kumeak inoiz baino hobeto mimatzeko, eta horrekin batera ideia ero eta berri asko martxan jartzeko. Liburuak modu diferente batean osatu eta aberastu nahi ditugu (audioliburuak izango dituzue, liburu elektronikoak, hainbat bideo, ikasteko nahiz goxatzeko...). Aaaskoz irakurle gehiago "harrapatu" nahi ditugu. Ikusi nahi?

   Dena amaitu eta osatu bitartean kuxkuxeatu nahi baduzue, hemen igo zaitezkete forma hartzen ari den amets-ontzira: www.gaumin.com.
   Hemen dituzue jaio berri-berri diren liburu batzuen azalak eta informazio apur bat: